Во рамките на 59-то издание на фестивалот „Охридско лето“ во црквата „Света Софија“ во Охрид се одржа концерт на Брјанскиот губернаторски симфониски оркестар под раководството на диригентот, заслужен уметник на Русија, Едуард Амбарцумјан На концертот присуствуваа и Амбасадорот на Руската Федерација во Република Северна Македонија, Н.Е. Сергеј Александрович Баздникин и Почесниот конзул на Руската Федерација во Охрид, проф. д-р Велимир Стојковски. По повод настапот на руските уметници на фестивалот "Охридско лето", Амбасадата на Руската Федерација по завршувањето на концертот, во Долни Сарај приреди коктел "Руска вечер", каде Амбасадорот Сергеј Баздникин им се обрати на бројните присутни.