На 28 септември во Кинотеката на Северна Македонија се одржа свеченото отворање на Деновите на рускиот филм. Во текот на неделата македонската публика има можност да се запознае со класика на рускиот филм, златниот фонд на најстарото филмско студио “Ленфилм”. Гостин на фестивалот е Почесниот кинематографер на Руската Федерација Александар Поздњаков. По отворањето на гледачите им беше прикажан филмот «Човек Амфибиjа» на режисерот Владимир Чеботарев и Генадиј Казански, снимен во 1961 година според истоимениот научно-фантастички роман на Александар Белjаев.