На 20 април на Филолошкиот факултет „Блаже Конески“ се одржа 50. Државен натпревар по руски јазик. Овој пат, во чест на јубилејот, покрај учениците од основните и средните училишта, во одделни категории се натпреваруваа и оние кои рускиот јазик го учат на курсеви, како и студентите од Катедрата за славистика. Во текот на настанот на присутните им се обрати Амбасадорот на Русија Сергеј Баздникин, кој ја потенцира улогата на руски јазик во светската наука и уметност. Во просториите на Факултетот Амбасадорот исто така се сретна со професорите и учителите по руски јазик, каде што им одговори на прашањата, кои ги интересираа.